Basha premton eleminimin e pabarazisë në punësim e pagë të gruas

Nga Exit News
Basha premton eleminimin e pabarazisë në punësim e pagë të gruas

Kryetari i Partisë Demokratike, Lulzim Basha premtoi “zhdukjen e diferencës në punësim, pagë, mirëqënie dhe dinjitet, midis burrit dhe gruas shqiptare”.

Në një takim elektoral, me gratë e Unazës së Re, Basha u shpreh se:

“Ne jemi në tratativa me institucionet europiane, me universitetet Europiane për të nisur kualifikimin e rinisë shqiptare, në mënyrë që të qëndrojë këtu, të punojë këtu, me paga dinjitoze”.

Ai sqaroi planin e PD-së për familjet e reja:

“Duke nisur nga viti ynë i parë i qeverisjes ne do të financojmë 100% interesat e kredive për 5 mijë çifte të reja çdo vit, pra për 20 mijë cifte brenda 4 viteve të para që të blejnë banesën e tyre”.

“Muaj për muaj deri sa të arrijë moshën 5-vjeçare fëmijët shqiptarë do të kenë nga qeveria një bonus prej 30 mijë lekësh të vjetra në muaj”, theksoi Basha.

Adresa juaj e emailit nuk do bëhet publike.

Lajme te ngjashme