Kryetari i PD-së Lulzim Basha u premtoi qytetarëve se do të bëjë më shumë teste, rimbursim të kurës, ndihmë dhe zgjidhje, për gjendjen e kovidit.
Basha postoi të mërkurën në mëngjes një video me pamje nga spitalet e vendit dhe duke shkruar se “kjo nuk është çështje politike por jetë a vdekje”.
Postimi i plotë:
Qytetarët shqiptarë meritojnë më shumë. Më shumë teste, më shumë ndihmë, më shumë zgjidhje. Plani ynë ofron zgjidhje dhe përfshin rimbursimin e plotë të shpenzimeve për personat e prekur me covid që kurohen në shtëpi. Kjo nuk është çështje politike, është çështje për jetë a vdekje!
