Kryetari i opozitës Lulzim Basha deklaroi, dje, se do të përshkallëzohen protestat e opozitës përpara zhvillimit të zgjedhjeve vendore në Kavajë.
Ai bëri thirrje për “bllokim të rrugëve kombëtare në vend” ditën e hënë më 24 prill nga ora 11 deri në orën 12 të paradites.
Në të njëjtën ditë në Shqipëri pritet të vijë edhe Zëvendës-presidenti i Partive Popullore Evropiane David McAllister, në rolin e negociatorit për zgjidhjen e krizës politike.
Kryeministri Edi Rama dhe Kryetari i Parlamentit Ilir Meta thirri PPE-të si negociatorë ndërmjet qeverisë dhe opozitës.
Ndërsa, Zoti Basha tha se do të negociojë vetëm kur kërkesa e opozitës për qeveri teknike të plotësohet.
Më 19 prill, PS dhe LSI i kërkuan Komisionit Qendror të Zgjedhjeve të shtyjë afatin kohor për regjistrimin e koalicioneve në zgjedhjet e përgjithshme të 18 qershorit.
KQZ nuk e pranoi kërkesën e dy partive të shumicë, duke nënkuptuar se këto zgjedhje do të zhvillohen pa opozitën dhe pa koalicione.
