BE jep €50 milionë Shqipërisë për të përballuar koronavirusin

Nga Exit News
BE jep €50 milionë Shqipërisë për të përballuar koronavirusin

Bashkimi Evropian do të ndihmojë Shqipërinë me €50 milionë për të përballuar situatën e krijuar nga koronavirusi.

Lajmin e njoftoi Ambasadori i BE-së në Tiranë, Luigi Soreca përmes një postimi në Twitter.

Ambasadori shpjegoi se:

  • €4 milionë euro do të jepen për mbështetje të menjëhershme me pajisje shëndetësore
  • €11 milionë për mbrojtjen sociale
  • deri në €35 milionë për riaftësimin ekonomik

Soreca e mbylli njoftimin me mesazhin “[ne/BE] jemi gjithmonë me Shqipërinë”.

Mbështetja e BE-së me një fond prej 50 milionë eurosh u përshëndet nga Presidenti Meta, Kryeministri Rama dhe kryetari i PD-së Basha.

Presidenti e cilësoi ndihmë të çmuar. “Zoti i shqiptarëve është i madh”, shkroi Rama në Facebook, ndërsa Basha theksoi se “nuk jemi vetëm”.

Të paktën 123 persona janë diagnostikuar me koronavirus në Shqipëri, ku 5 kanë vdekur dhe 10 kanë mundur të shërohen.

 

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>