Bashkimi Europian dëshiron të ketë qasje në vaksinat e koronavirusit të prodhuara në Shtetet e Bashkuara, raportoi Financial Times të shtunën.
“Ne jemi të vetëdijshëm për urdhrin ekzekutiv të SHBA. Ne kemi besim se mund të punojmë së bashku me SHBA “, i tha Politico një zëdhënësi i Komisionit Europian.
Shtetet e Bashkuara janë të lidhura me një urdhër ekzekutiv të nënshkruar nga ish Presidenti Donald Trump në dhjetor për të përdorur doza vaksinash të bëra në SHBA.
BE po lufton për të rregulluar ritmin në procesin e vaksinimit, pas pengesave që pati me AstraZeneca, e cila uli numrin e dërgesave.
Në një telefonatë të premten, Presidentja e Komisionit Ursula von der Leyen dhe Presidenti i SHBA Joe Biden ranë dakord të bashkëpunojnë për të siguruar funksionimin global të furnizimit me vaksina.
“BE dhe SHBA janë të dy prodhuesit kryesorë të vaksinave dhe ne kemi një interes të fortë për të punuar së bashku, për funksionimin e mirë të zinxhirëve globalë të furnizimit,” tha von der Leyen në një deklaratë pas thirrjes.
