Bashkimi Evropian nuk e njeh Alexander Lukashenkon si president të Bjellorusisë, tha kryediplomati, të martën.
“Ne po përdorim të gjitha mjetet që kemi në dispozicion për t’i dhënë fund represionit të dhunshëm që po ndodh në Bjellorusi pas zgjedhjeve, të cilat ne nuk i konsiderojmë të drejta”, tha Josep Borrell, kryediplomati i BE-së, sipas Politico.eu.
Lukashenko, i cili ka qënë në pushtet për 26 vite, shpalli fitoren pas zgjedhjeve të debatuara të 9 gushtit, duke shkaktuar protesta masive, arrestime dhe dhunë.
Vendet e BE-së kanë vendosur sanksione ndaj personave që kanë ushtruar dhunë ndaj protestuesve, dhe u shprehën se nuk i njohin zgjedhjet në Bjellorusi.
Deri më tani BE ka identifikuar 30 persona përgjegjës për dhunën në Bjellorusi, ndaj ët cilëve janë vendosur sanksione.
