Berisha: Do vendos dinjitetin tim në vend

Berisha: Do vendos dinjitetin tim në vend

Ish-kryeministri Sali Berisha e ka konsideruar betejë për të vendosur në vend dinjitetin e tij, procesin gjyqsor që ka vendosur të hapë ndaj Sekretarit amerikan të Shtetit, Anthony Blinken.

Në një deklaratë të mërkurën, Blinken njoftoi shpalljen e Berishës dhe familjes së tij ‘non-grata’ për arsye se është i përfshirë në korrupsion dhe minim të demokracisë.

Sipas Berishës ky vendim cënon dinjitetin e tij dhe për këtë ai i është drejtuar gjykatës.

“Dinjiteti im është më i rëndësishëm se të gjitha këto. Dinjiteti është thelbi i njeriut. Jam përpjekur ta ruaj gjithë jeten”, tha Berisha.

Ish-kryeministri ngriti pyetjen se përse këto akuza ndaj tij bëhen 8 vite pasi ai është larguar nga pushteti ndësa i konsideroi se janë pa baza të vërteta.

“Në vlerësimin tim familjarët e mi, njëlloj si unë kanë respektuar ligjet. Kanë 8 vite akuza pa asnjë proces. Asnjë padi penale sepse kanë respektuar ligjin.”, deklaroi Berisha.

Berisha rikujtoi kohën kur hyri në politikë i frymëzuar nga kushtet e vendit ku sipas tij njerëzve iu mohohej dinjiteti.

“Dua të them me ketë që para dinjitetit nuk vë asgjë tjetër mbi tokë. Unë do rivendos dinjitetin tim në vend”, u shpreh Berisha.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>