Bizneset mund të aplikojnë për kredi në garancinë e dytë sovrane që prej 18 majit

Nga Exit News
Bizneset mund të aplikojnë për kredi në garancinë e dytë sovrane që prej 18 majit Ministrja e Financave Anila Denaj

Garancia e dytë sovranë, miratuar nga qeveria më 13 maj, do të fillojë të lëvrohet për bizneset që nga 18 maji.

Ministrja e Ekonomisë Anila Denaj sqaroi, gjatë një interviste për ABC News, se kjo garanci sovrane ka në fokus përmbushjen e kapaciteteve të biznesve për të rimodeluar biznesin në kushtet e pandemisë së Covid-19:

“[Garancia] e parë kishte fokus pagesat e punonjësve brenda një biznesi. E dyta do të jetë nevoja për kapital qarkullues dhe investime.

Në kushtet kur bizneset do të kenë nevojë për riorganizim të biznesit, një hotel për shembull për të mundësuar distancat mes krevateve dhe tavolinave dhe kjo ka kosto. Ky është instrument për të bërë një filtër për ata klientë që duan të punojnë.”

Për kredi përmes kësaj garancie sovrane mund të aplikojnë të gjithë bizneset, i vogël, i mesëm apo i madh. Ato nuk do të duhet të vendosin kolateral për kredinë.

Ato biznese që kanë përfituar nga garancia e parë, mund të aplikojnë edhe për kredi përmes garancisë së dytë.

Denaj e quajti garancinë e dytë sovrane si ‘oksigjen për biznesin’ në këtë kohë pandemie.

Adresa juaj e emailit nuk do bëhet publike.

Lajme te ngjashme