![blinken Blinken pyetet për vendimin ndaj Berishës në Kongres](https://exit.al/wp-content/uploads/2021/06/blinken.png)
Lee Zeldin, anëtar i Kongresit amerikan për New York i ka kërkuar informacion Sekretarit amerikan të Shtetit, Anthony Blinken lidhur me vendimin për t’i ndaluar hyrjen në SHBA, ish-kryeministrit Sali Berisha.
Blinken është përgjigjur se çështja e Berishës është zhvilluar përmes një procesi normal dhe ka përfshirë edhe avokatët e Deprartamentit të Shtetit.
Kërkesës për informacione konkrete mbi akuzat e ngritura ndaj Berishës, Blinken iu përgjigj duke ftuar anëtarët e komitetit të Punëve të Jashtme në zyrën e çështjeve ligjore të DASH për ta marrë këtë informacion.
Në lidhje me mediat, Blinken shtoi se ato mund të marrin informacion për këtë çështje në tek zyra e zëdhënësit të punëve të jashtme.
Sekretari i Shtetit mohoi të jetë takuar me George Soros lidhur me këtë çështje por nuk përjashtoi mundësinë që një anëtar i DASH të jetë takuar.
Këkresat e kongresmenit Zeldin iu drejtuan Blinken gjatë mbledhjes së komitetit të Punëve të Jashtme të Kongresit.