Një anëtar i ekipit të Boris Johnson, i cili shoqëroi kryeministrin gjatë udhëtimit në Skoci ka rezultuar pozitiv me Covid, por Johnson njoftoi se nuk do të izolohet.
Një burim për The Guardian u shpreh se Johnson dhe shoqëruesi i tij fluturuan në të njëjtin avion të vogël në Glasgow dhe Aberdeen. Personi pasi doli pozitiv, u izolua në Skoci – dhe të gjithë personat në kontakt me të u këshilluan të izoloheshin.
Downing Street nuk njoftoi nëse Johnson ishte testuar për Covid pas identifikimit të një kontakti me Covid-19.
Johnson para disa javësh doli nga izolimi pasi ra në kontakt të ngushtë me një ministër të kabinetit i cili rezultoi pozitiv për virusin – sekretari i shëndetësisë, Sajid Javid.
