Boris Johnson shërohet nga Covid-19, të hënën i rikthehet punës

Nga Exit News
Boris Johnson shërohet nga Covid-19, të hënën i rikthehet punës

Një muaj pasi u sëmur nga Covid-19 Kryeministri britanik Boris Johnson do t’i rikthehet zyrës së tij.

Johnson thuhet se e ka mposhtur infeksionin dhe më 27 prill do të rinisë punën me kohë të plotë.

Mediat britanike e kanë cilësuar rikthimin e kryeministrit si lajm pozitiv dhe frymëzues për luftën kundër epidemisë.

Johnson, 55 vjeç, u infektua më 27 mars. Zyra e tij e shtypit u mundua ta përcillte gjendjen e tij shëndetësore me simptoma të lehta si kollë apo temperaturë.

Mirëpo javën e parë të muajit prill Johnson u detyrua të shtrohej në spital, ku për 3 netë pati nevojë për kujdes intensiv me oksigjen.

Gjatë periudhës që ishte në spital mjekët e këshilluan të mos merrej me çështje shtetërore dhe detyrën e tij e mori përsipër Sekretari i Jashtëm i Shtetit, Dominic Raab.

Rreth 150 mijë persona janë infektuar me Covid-19 në Britaninë e Madhe, prej tyre 20 mijë kanë vdekur.

Ndërkohë në rang botërorë janë rreth 3 milionë të infektuar dhe mbi 200 mijë viktima.

Adresa juaj e emailit nuk do bëhet publike.

Lajme te ngjashme