Qeveria britanike i ka bërë thirrje vendeve evropiane të strehojnë afganët. Sekretarja e Brendshme Britanike Priti Patel u shpreh se Kombet evropiane duhet të ndjekin hapat e Mbretërisë së Bashkuar në marrjen e refugjatëve nga Afganistani, të hënën.
“Ne duhet të flasim me një zë,” tha Patel, duke i kërkuar komunitetit ndërkombëtar të punojë së bashku, raporton Politico.eu.
Thirrja e saj erdhi ndërsa Zyra e Brendshme njoftoi marrjne e 5,000 refugjatë.
“5,000 janë një shifër që ne e dimë se mund ta japim. Do të ishte e papërgjegjshme nga ana jonë të japim shpresa të rreme, premtime të rreme, të themi se mund të shkojmë më lart … “, tha ajo.
Komentet e Patel vijnë nga paralajmërimet e Presidentit Francez Emmanuel Macron për “flukset e parregullta migratore”.
“Ne duhet të parashikojmë dhe mbrojmë veten nga flukset e mëdha të parregullta migratore që do të rrezikonin rritjen e trafikut e të gjitha llojeve,” tha presidenti francez në një fjalim të para-regjistruar nga Fort de Brégançon, ku ai po kalon pushimet verore.
“Evropa vetëm nuk mund t’i përballojë pasojat e situatës aktuale,” shtoi ajo
“Vendet evropiane dhe Franca … ata mund të bëjnë shumë më tepër për të siguruar që njerëzit të kërkojnë azil në vendin e tyre. Vetëm javën e kaluar ne pamë njerëz që vdiqën në brigjet e Francës duke u përpjekur të vinin në Mbretërinë e Bashkuar me një varkë të vogël … Franca duhet të bëjë më shumë për këtë, “tha ajo.
