Çështja Tahiri-Habilaj, Prokuroria heton shoferin e ish-ministrit

Çështja Tahiri-Habilaj, Prokuroria heton shoferin e ish-ministrit

Prokuroria e Krimeve të Rënda po heton shoferin e ish-ministrit të Brendshëm, lidhur më çështjen Tahiri-Habilaj.

Lajmin e bën të ditur Televizioni Top Channel, sipas së cilit shoferit Gentian Ceka po i hetohet pasuria.

Top Channel konfirmon se emri i Gentian Cekës, përveçse është përmendur në prokurori nga Orest Sota si personi që kishte harruar patentat e ish-ministrit në makinën e tij, përmendet dhe në përgjimet telefonike të siguruara nga prokuroria e Katanias.

Dje dosja 1800 faqëshe e Vëllezërve Habilaj, e përkthyer nga italishtja, i është dorëzuar Prokurorisë së Krimeve të Rënda.

Po dje, një tjetër media njoftoi se Prokuroria ka dyshime të forta se paratë e gjetura në makinën e Orest sotës janë t ëish-ministrit Tahiri dhe se Sota mund të ketë qenë duke ndihmuar ish-ministrin për të fshehur të ardhurat nga aktiviteti kriminal.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>