Çfarë përmban marrëveshja mes Kosovës dhe Serbisë?

Çfarë përmban marrëveshja mes Kosovës dhe Serbisë?

Kosova dhe Serbia më 30 shtator u pajtuan për masën e reciprocitetit mbi targat e makinave. Marrëveshja u firmos me ndërmjetësimin e BE-së, në Bruksel.

I dërguari i Posaçëm i BE-së për dialogun, Mirosllav Lajçak njoftoi se pas dy ditësh bisedime, Kosova dhe Serbia u pajtuan për çështjen e targave të automjeteve.

Marrëveshja, e zbardhur nga REL ka tri pika:

• Njësitet speciale policore të vendosura në pikëkalimet e përbashkëta kufitare në Jarinjë dhe Bërnjak, do të largohen bashkë me barrikadat, duke nisur nga 2 tetori, ora 08:00 deri në orën 16:00 të asaj dite.
Misioni i NATO-s në Kosovë, KFOR, do të angazhohet në këto dy pika në Jarinjë dhe Bërnjak, para nisjes së tërheqjes të zyrtarëve policorë dhe barrikadave, dhe do të mbetet aty për dy javë për të garantuar sigurinë.

• Nga 4 tetori, do të nisë zbatimi i përkohëshëm i regjimit të letrave ngjitëse, në vend të heqjes së targave të makinave të regjistruara në Kosovë dhe Serbi, deri në gjetjen e një zgjidhjeje të përhershme.

• Më 21 tetor do të nisë punën një ekip i përbërë nga zyrtarë të Bashkimit Evropian, Prishtinës dhe Beogradit për të gjetur një zgjidhje të përhershme. Brenda gjashtë muajve, prej nisjes së takimit të parë, i ashtuquajturi Grup Pune, do të prezantojë gjetjet për një zgjidhje të përhershme në formatin e dialogut të nivelit të lartë.

LEXO  Arrestohen 2 ish-shoqëruesit e ish-ministrit Tahiraj në operacionin ndërkombëtar të trafikut të drogës

Serbët e veritu të Kosovës kanë bllokuar rrugët në pikëkalimet kufitare në Jarinjë dhe Bërnjak që prej 20 shtatorit, kur Qeveria e Kosovës vendosin masën e reciprocitetit për targat nga Serbia.

Në afërsi të këtyre dy pikëkalimeve janë të vendosura njësitë speciale të Policisë së Kosovës.

Më 20 shtator, Qeveria e Kosovës ka marrë vendosi që shoferët nga Serbia, me të hyrë në Kosovë, t’i ndërrojnë ose mbulojnë targat e tyre dhe të marrin regjistrim të përkohshëm të Kosovës.

 

Adresa juaj e emailit nuk do bëhet publike.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>