DASH: Shqipëria plotëson kriteret minimale të transparencës fiskale

DASH: Shqipëria plotëson kriteret minimale të transparencës fiskale

Shqipëria plotëson kriteret minimale të transparencës fiskale të kërkuara nga Departamenti Amerikan i Shtetit (DASH).

Kjo është gjetja e raportit për transparancen fiskale të DASH për periudhën janar-dhjetor 2018.

Raporti publikohet çdo vit dhe vëzhgon vendet e ndryshme për plotësimin e dy kritereve të transparencës fiskale:

 – Publikimi i dokumentave të buxhetit të shtetit, të mënyrë të vazhdueshme dhe të besueshme—këtu përfshihet të ardhurat dhe shpenzimet për çdo ministri.

 – Transparencë në procesin e prokurimeve publike dhe në miratimin e lejeve për shfrytëzimin e burimeve natyrore— këtu përfshihen transparencë në praktikat tenderuese dhe dhënien e koncesioneve.

Informacione dhe detaje më të shumta raporti jep vetëm për ato shtete të cilat nuk i përmbushin kriteret, prandaj ai nuk përmban detaje për Shqipërinë.

Departamenti Amerikan i Shtetit në vlerësimin e çdo vendi bazohet në informacionet e grumbulluara nga ambasadat dhe konsullatat e SHBA-ve, insititucione qeveritare amerikane, organizata ndërkombëtare dhe organizata të shoqërisë civile.

Raporti nuk vlerëson nivelin e korrupsionit të një qeverie—transaparenca fiskale nuk është tregues për nivelin e korrupsionit të një qeverie.

Raporti pohon se ai “nuk vlerëson korrupsionin e një vendi. Jo gjithmonë mungesa e transparencës fiskale mund të jetë një faktor tregues për korrupsionin. Po njësoj kjo do të thotë se qeveria e cila “përmbush kushtet minimale të transparencës fiskale” jo domosdoshmërisht reflekton nivel të ulët të korrupsionit”.

LEXO  Raporti i DASH: Shqipëria nuk plotëson kushtet minimale për të luftuar trafikun njerëzor

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>