Dëmtohet tabela reklamuese ‘Liria ka Emër’ në autostradën Prishtinë-Gjilan

Nga Exit News
Dëmtohet tabela reklamuese ‘Liria ka Emër’ në autostradën Prishtinë-Gjilan

Tabela reklamuese me parrullën “Liria ka Emër” të fushatës për mbrojtjen e ish-komandatëve të UÇK-së që po hetohen për krime lufte në Hagë e vendosur në hyrje të Graqanicës, (komunë serbe) u dëmtua.

Ngjarja u konfirmua për Exit News nga Agron Borovci, zëdhënës i Policisë së Kosovës për rajonin e Prishtinës.

“Po, është pranuar informata lidhur me dëmtimin e pjesshëm të tabelës reklamuese që ka qenë e vendosur në rrugën magjistrale Prishtinë – Gjilan.

Policia menjëherë ka dalë në vendin e ngjarjes dhe në bazë të informacioneve të para dyshohet që dëmtimi ka ndodhur në orët e hershme të mëngjesit.

Aktualisht është iniciuar një hetim lidhur me rrethanat që karakterizojnë këtë rast ndërlidhur me këtë edhe për identifikimin e personave që mund të jenë përfshirë”, njoftoi Borovci për Exit News.

Lajme te ngjashme

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>