Denaj i përgjigjet Metës: Presidenti gabon nga fillimi në fund

Nga Exit News
Denaj i përgjigjet Metës: Presidenti gabon nga fillimi në fund

Ministrja e Financave dhe Ekonomisë, Anila Denaj është shprehur “e befasuar” nga presideti Meta, pasi ky i fundit akuzoi qeverinë në se kishte shkelur Kushtetutën dhe ligjin në procedurat e financimit të rrugës Vlorë-Orikum.

Pak minuta pasi Meta përfundoi konferenën për shtyp lidhur me këtë çështje, ministrja Denaj ka reaguar nëpërmjet “Facebook” duke paralajmëruar sqarime të plota ditën e mërkurë.

“Jam shumë e befasuar nga shfaqja e Ilir Metës nga podiumi i Presidentit të Republikës, ku bëri lëmsh Kushtetutën, institucionet dhe konceptet e ligjshmërisë marrëveshjes, negociatës, duke krijuar një kakofoni krejt të papërshtatshme për kreun e një shteti. Nesër do t’i përgjigjem me fakte kokëforta zotit President, madje me vetë firmën e tij në raste të ngjashme”

Megjithatë Denaj i është përgjigjur shkurt disa prej pretendimeve të presidentit.

Sipas saj, qeveria nuk ka negociuar më me Fondin Saudit pasi negociatat ishin zhvilluar më parë kur ishte dhënë huaja për rrugën e Lumit të Vlorës. Në rastin konkret kemi të bëjmë me një rialokim të huasë nga një objekt në tjetrin pa ndryshuar termet e saj.

Kjo procedurë, thotë Denaj, është bërë edhe në të shkuarën dhe nuk përbën përjashtim nga rregulli.

“Presidenti gabon nga fillimi në fund edhe pse ia kemi shpjeguar shkresërisht logjikën e kësaj praktike krejt të qartë e të thjeshtë. A nuk e kupton vërtetë apo e bën me qëllim këtë zvarritje të një projekti me rëndësi për Vlorën, këtë nuk dua ta them. Por nesër do të them më shumë.”

LEXO  PD akuza qeverisë për shfrytëzim të mësuesve

Adresa juaj e emailit nuk do bëhet publike.

Lajme te ngjashme