Dekriminalizimi, 6 deputetë e 3 kryebashkiakë duhet të japin shenjat e gishtave

Dekriminalizimi, 6 deputetë e 3 kryebashkiakë duhet të japin shenjat e gishtave

Prokuroria kërkon shenjat e gishtave të 6 deputetëve dhe 3 kryebashkiakëve që janë në hetim në bazë të ligjit të dekriminalizimit. Ky organ u ka lënë 5 ditë kohë zyrtarëve që të paraqiten në Institutin e Policisë Shkencore për të dhënë shenjat e gishtave. Më pas ato do të krahasohen me të dhënat që disponon Prokuroria.

Deputetët nën hetim janë: Ymer Mamo e Aqif Rakipi nga PDIU, Mhill Fufi i përjashtuar nga PD, Artan Gaçi dhe Armando Prenga nga PS, Gledion Rehovica nga LSI. Në hetim janë dhe kryebashkiaku i Pogradecit, Eduard Kapri (PD), Tërmet Peçi (PS), kryebashkiaku i Tepelenës dhe Adriatik Zotkaj (PS), kryebashkiaku i Poliçanit.

KQZ në hetim

Prokuroria ka sekuestruar të gjitha dokumentacionet e KQZ-së përsa i përket procesit të dekriminalizimit. Kanë qenë disa oficerë të policisë gjyqësore që kanë bërë bllokimin e dokumentacionit në zyrat e Komisionit Qendror të Zgjedhjeve.

Organi i akuzës po heton këtë institucion për disa shkelje. Në dokumentin që ka dorëzuar KQZ për formularin e vetëdeklarimit, nuk specifikohet përgjigjia e deputetit Armando Prenga, nëse ai ka qenë ndonjëherë i dënuar nga gjykata apo jo. Faktikisht ky deputet rezulton i dënuar në Itali për vjedhje pasurie e identitet të rremë.

Ndërkohë që për të ka dhe një dënim nga Gjykata e Kurbin për falsifikim dokumentash. Një tjetër akuzë që i është ngritur KQZ-së është dhe pranimi i dorëzimit të formularëve të dekriminalizimit përtej afateve të parashikuara nga ligji për një deputet dhe për dy kryebashkiakë.

LEXO  Rritet vlera e monedhës BitCoin, Elon Musk e përmend në Twitter

Mediat raportuan në fundjavë se deputeti Armando Prenga ka përdorur rreth 10 emra të ndryshëm në Itali. Mbi këto fakte, Prokuroria kërkon heqjen e madatit për këtë deputet. Por në një dalje publike, KQZ nëpërmjet zëdhënëses, deklaroi se, ky deputet së bashku me disa të tjerë, nuk rrezikojnë heqjen e mandatit dhe procedurat e ndjekura janë konform ligjit.

Lajme te ngjashme