Deputeti Alimadhi deklaron votën kundër ndryshimeve të Kodit Zgjedhor

Nga Exit News
Deputeti Alimadhi deklaron votën kundër ndryshimeve të Kodit Zgjedhor

Deputeti i opozitës Adriatik Alimadhi deklaroi, të hënën, se do të votojë kundër ndryshimeve të Kodit Zgjedhor, propozuar nga shumica socialiste.

Duke folur në kuvend, Alimadhi i bëri thirrje dhe kolegëve të tij që të votojnë kundër pasi është kundër interesit kombëtar:

“Kërkuan depolitizimin e KQZ, sistem të pastër kombëtar me lista te hapura, ne këtë rast asgjë nga këto nuk u zbatua.

Kjo kapje sistemi, prej 30 vitesh do prodhojë vazhdimësinë e kësaj mendësie. Votoni kundër këtij projektligji, është kundër interesit kombëtar.

I ndan shqiptarët, në jugorë, ku merr PS mandate dhe verior ku PD merr mandate. Unë votoj kundër.”

Siç Exit News ka shkruar më parë, për miratimin e ndryshimeve të Kodit Zgjedhor nevojiten 84 vota pro, nga të cilat PS ka 75 vota të sigurta.

Nuk dihet ende se si do të votojnë deputetët e opozitës parlamentare.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>