Deputeti Peza në Gjykatën e Lartë, akuza për fshehje e pastrim parash

Deputeti Peza në Gjykatën e Lartë, akuza për fshehje e pastrim parash

Gjykata e Lartë do të gjykojë deputetin socialist Alfred Peza për akuzat “fshehje të ardhurash”, “pastrim parash” dhe “mosdeklarim pasurie”. Dosja deputetit Peza u dërgua sot në gjykatë nga Prokuroria e Përgjithshme.

Hetimet ndaj deputetit socialist nisën pasi në janar, në media u bë publike blerja e aksioneve në bankën e nivelit të dytë nga bashkëshortja e Zotit Peza me vlerë 113 milionë lekë.

Inspektoriati i Lartë i Deklarimit dhe Kontrollit të Pasurive dhe Konfliktit të Interesave (ILDKPKI) nisi menjëherë kontrollin dhe hetimin administrativ për pasurinë e deputetit socialist Alfred Peza.

Sipas Zotit Peza, paratë ishin kursyer ndër vite nga ai dhe bashkëshortja e tij dhe se pasuria nuk kishte lidhje me pozicionin e tij si deputet në parlament.

Në prill, Gjykata e Krimeve të Rënda vendosi sekuestrimin e aksioneve të bashkëshortes së deputetit Alfred Peza në bankën Credins.

Avokati mbrojtës i Zotit Peza u shpreh i bindur në fitoren e klientit të tij, ndërsa deputeti Peza nuk bëri asnjë deklaratë përpara gazetarëve.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>