Diaspora kërkesë Gjykatës Europiane për vlerësim të menaxhimit të fondeve të BE-së në Shqipëri

Nga Exit News
Diaspora kërkesë Gjykatës Europiane për vlerësim të menaxhimit të fondeve të BE-së në Shqipëri

Lëvizja Diaspora për Shqipërinë e Lirë i ka kërkuar Gjykatës Europiane të Auditorëve të vlerësojë menaxhimin e fondeve të BE-së në Shqipëri.

Përmes një letre drejtuar gjykatës, Diaspora përcolli shqetësimet rreth menaxhimit të fondeve të BE-së në Shqipëri dhe mungesën e transparencës së shpërndarjes së tyre.

Gjykata është një institucion i pavarur europian, i cili ndër të tjera vlerëson efektivitetin e projekteve të BE-së në Ballkanin Perëndimor.

Problemet me korrupsionin dhe mënyrën e funksionimit të institucioneve publike, janë disa nga shkaqet që pengojnë procesin e integrimit të Shqipërisë në BE, thotë Diaspora.

Ata kanë përmendur në shkresë edhe përgjimet e grupit mafioz Ndragheta.

“Diaspora ngulmon fort në rritjen e transparencës së institucioneve publike, atyre politikbërëse dhe vendimmarrëse, të cilat paguhen nga taksapaguesit shqiptarë dhe ato të vendeve të BE-së”, shkruan lëvizja.

Lajme te ngjashme