Dita e tetë e protestës, opozitës i bashkohen minatorët e sipërmarrësit

Dita e tetë e protestës, opozitës i bashkohen minatorët e sipërmarrësit

Kur ka kaluar një javë që deputetë e mbështetës të opozitës po qëndrojnë në çadrën e lirisë, përpara kryeministrisë, minatorë dhe përfaqësues të biznesit i janë bashkuar protestës.

Kreu i Partisë Demokratike Lulzim Basha tha se minatorët janë ndër grupet më të shfrytëzuara nga oligarkët që kanë kapur peng ekonominë, e njëkohësisht janë më keqpaguarit e më të rrezikuarit.

Minatorët shfrytëzohen çdo ditë nga oligarkët e qeverisë. Janë të pasigurtë, të keqpaguar. Një plagë e shoqërisë që duhet të shërohet sa më shpejt.

Ndërkohë për sipërmarrësit përfaqësues të opozitës thanë se qeveria Rama po ja vështirëson çdo ditë e më tepër mbijetesën në trg me taksat e larta, korrupsionin e dhunën shtetërore.

Biznesit, qytetarëve, popullit i ështe sosur durimi. Katër ose pesë oligarkë thërret Rama për çdo tender, për çdo konçesion, për çdo pasuri kombëtare, dhe së bashku ata ndajnë thelat e pushtetit, së bashku ata ndajnë pasuritë e kombit, ndërsa shumica e shqiptarëve zhytet në mjerim.

Tre ditë më parë protestës ju bashkuan dhe naftëtarët e Fierit, Ballshit e Patosit që prej muajsh nuk marrin rrogat. Ndërsa dje në mbrëmje, artisë e intelektualë folën për padrejtësitë, presionin dhe pasigurinë në vendet e punës.

Partia Demokratike dhe aleatët e saj shprehen të vendosur për të vazhduar protestën deri sa kushti i tyre për qeveri teknike e zgjedhje të lira të plotësohet.

Gjatë një takimi me krerët e strukturavë të PD-së nëpër rrethe, kryetari i PD-së Basha diskutoi strategjinë për ta shtrirë protestën në disa qytete të tjera, përveç Tiranës.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>