Dita Ndërkombëtare e Medias, disa thënie për rëndësinë e saj

Nga Exit News
Dita Ndërkombëtare e Medias, disa thënie për rëndësinë e saj Liria e Medias

Sot është Dita Ndërkombëtare e Lirisë së Shtypit. Shpallur si i tillë nga Asambleja e Përgjithshme e Kombeve të Bashkuara, është një ditë për të rritur ndërgjegjësimin për rëndësinë e lirisë së shtypit dhe për t’i kujtuar qeverive detyrën e tyre për të respektuar dhe garantuar të drejtën e lirisë së shprehjes, të parashikuar në nenin 19 të Deklaratës Universale e të Drejtave të Njeriut.

Exit News sjell më poshtë disa thënie, për rëndësinë e lirisë së medias.

“Siguria e vetme për të gjitha ndodhet në një shtyp të lirë.” Thomas Jefferson

“Gazetaria nuk mund të heshtë kurrë: ky është virtyti dhe faji i saj më i madh.”Henry Anatole Grunwald

“Një shtyp i lirë, natyrisht, mund të jetë i mirë ose i keq, por pa dyshim pa liri, shtypi nuk do të jetë kurrë tjetër gjë veçse i keq.” Albert Camus

“Dituria do të mbizotërojë përgjithmonë mbi paditurinë, dhe një njerëzit që duan të jenë zot të vetes duhet të pajisen me fuqinë që jep dituria.” James Madison

“Kur e drejta e publikut për informacion ndodhet nën kërcënim, dhe kur e drejta e fjalës së lirë dhe shtypit të lirë janë në rrezik, të gjitha liritë e tjera janë të rrezikuara.” Christopher Dodd

“Liria e medias, nëse ka një kuptim të vetëm, është liri për të kritikuar dhe kundërshtuar.” George Orwell

“Unë u bëra gazetar sepse nuk doja të mbështetesha në gazeta për informacion.” Christopher Hitchens.

“Nuk mund të ketë ligj më të lartë në gazetari sesa të thuash të vërtetën dhe të godasësh të keqen.” Walter Lippmann

“Gazetarët duhet të  kontrollojnë, jo të kontrollohen.” Newton Lee

“Populli duhet ta mësojë para se të të veprojë dhe nuk ka një mësues që të krahasohet me median.” Ida.B Wells

“Liria e shtypit nuk është vetëm e rëndësishme për demokracinë, por është vetë demokracia.” Walter Cronkite

“Liria e shtypit është ajo që lidh së bashku tullat e demokracisë – dhe është gjithashtu dritarja e hapur e ngulitur në ato tulla.” Shashi Tharoor

“Liria e shtypit është një privilegj i çmuar, nga i cili asnjë vend nuk mund të heqë dorë.” Mahatma Gandhi

“Unë ende besoj se nëse qëllimi juaj është të ndryshoni botën, gazetaria është një armë e menjëhershme dhe afatshkurtër.” Tom Stoppard

“Gjithkush ka të drejtën e lirisë së mendimit dhe të shprehjes; kjo e drejtë përfshin lirinë e mendimit pa ndërhyrje, si dhe lirinë e kërkimit, marrjes dhe njoftimit të informacionit dhe ideve me çfarëdo mjeti qoftë, pa marrë parasysh kufijtë.” Deklarata Universale e të Drejtave të Njeriut

“Një komb që ka frikë të lejojë që njerëzit e tij të gjykojnë mbi të vërtetën dhe gënjeshtrën në një treg të hapur është një komb që ka frikë nga njerëzit e tij.” John F Kennedy

“Kushdo që kontrollon median, kontrollon mendjen.” Jim Morrison

Adresa juaj e emailit nuk do bëhet publike.

Lajme te ngjashme