Rebani Jaupaj, drejtori i Policisë së Tiranës, në një deklaratë për median njoftoi rrethanat e ngjarjes. Ai tha se “në orën 19:00, sapo mjeti është futur në urë, me drejtues Prend Gjini, ka ndodhur një shpërthim me lëndë plasëse”.
Jaupaj tha se pista kryesore e hetimit është “hakmarrja midis personit dhe disa personave të tjerë jashtë qytetit të Tiranës”.
Drejtori i Policisë tha se Prend Gjini ndodhet në sallën e operacionit. Ndërsa u plagos një kalimtar, shtetas italian, i cili ndodhet jashtë rrezikut për jetën.
