Drejtuesja e Kombeve të Bashkuara për të Drejtat e Njeriut, Michelle Bachelet akuzoi disa qeveritarë për krijimin e një mjedisi armiqësor ndaj medias, duke cenuar sigurinë dhe aftësinë e gazetarëve për të bërë punën e tyre.
Në një deklaratë të publikuar këtë javë, ajo u shpreh se “raportimi i besueshëm, i saktë është një rrugë shpëtimi për të gjithë ne” dhe se nuk është “koha për të fajësuar informuesin”.
“Në vend që të kërcënojnë gazetarët ose të kufizojnë kritikat, Shtetet duhet të inkurajojnë një debat të shëndetshëm në lidhje me pandeminë dhe pasojat e saj,” shtoi Bachelet.
Gjatë pandemisë së koronavirusit, OKB-ja vuri në dukje se masat kufizuese po përdoreshin kundër mediave të pavarura dhe gazetarët dhe punëtorët e mediave po arrestoheshin dhe kërcënoheshin. Bachelet ngriti shqetësim për pengesat, të cilat sipas saj po pengojnë lirinë e informacionit, i cili është thelbësor për kontrollin e pandemisë.
“Disa shtete kanë përdorur shpërthimin e koronavirusit si pretekst për të kufizuar informacionin dhe shmangur kritikat. Një media e lirë është gjithmonë thelbësore, por kurrë nuk jemi varur prej saj më shumë sesa ne gjatë kësaj pandemie kur kaq shumë njerëz janë të izoluar dhe kanë frikë për shëndetin dhe jetën e tyre, “tha ajo.
Instituti Ndërkombëtar i Shtypit ka regjistruar më shumë se 130 raste të shkeljes së lirisë së shtypit, përfshirë 50 raste të raportimit të kufizimeve në qasjen në informacion, censurimin dhe rregullimin e tepërt të keqinformimin. Përveç kësaj, rreth 40 gazetarë janë arrestuar ose ndaj tyre ka nisur hetim në Azi, Amerikë, Evropë, Afrikë dhe Lindjen e Mesme. Krimi i tyre ishte kritika ndaj reagimit të qeverisë ndaj pandemisë ose vënia në dyshim të saktësisë të të dhënave zyrtare.
IPI pohoi se numri i shkeljeve dhe arrestimeve është i lartë.
Zëdhënësi i departamentit të drejtave të njeriut të OKB, Rupert Colville deklaroi se udhëheqësit që kritikojnë gazetarët shpesh janë ata që më parë kanë vepruar në mënyrë të ngjashme – duke refuzuar të tolerojnë kritika ndaj politikave të tyre.
“Gazetarët luajnë një rol të thelbësor në përgjigjen tonë ndaj kësaj pandemie, por ndryshe nga kërcënimet e mëdha që u paraqiten punonjësve të tjerë , kërcënimet me të cilat përballen punonjësit e mediave janë plotësisht të shmangshme”, tha drejtuesja e OKB-së për të drejtat e njeriut. “Mbrojtja e gazetarëve nga ngacmimet, kërcënimet, ndalimet ose censurimi na ndihmon të jemi të gjithë të sigurt,” shtoi Bachelet.
Ajo arriti në përfundimin se qeveritë duhet të jenë transparente pasi kjo ndërton besimin e publikut dhe njerëzit sigurohen se marrin pjesë në masa e vendosura për të mbrojtur shëndetin e tyre.
