Duka dhe Shehi kërkojnë ndryshim të sistemit zgjedhor

Nga Exit News
Duka dhe Shehi kërkojnë ndryshim të sistemit zgjedhor

Dy kryetarët e partive aleate të PD-së, Agron Duka dhe Dashamir Shehi kundërshtuan vendimin e PD-së për mosndryshimin e sistemit zgjedhor.

Agron Duka, kryetari i partisë Agrare për emisionin Repolitix në Report Tv, më 26 maj, tha se:

“I kanë shkelur syrin njëri-tjetrit, që mbrojnë sistemin, PD thotë që është i hapur për ndërrim sistemi, por duan që të rregullojnë Kodin Zgjedhor.

Nuk e ndryshojnë se duan të ruajnë monopolin e kandidatëve.

E kanë mbyllur këtë punë pavarësisht propozimit të ambasadës Amerikane, u mbyllën dyert të rinjve në politikë.

[N]uk ka asnjë vullnet nga dy partitë e mëdha, dhe nga LSI, por s’më ndalon njeri që të them mendimin tim, kjo mund të jetë një kosto për mua. Nuk jemi në të njëjtën linjë me Bashën”.

Ndërsa Dashamir Shehi, kryetari i LZHK-së tha për RTV Ora:

“Tashmë nuk ka dëshirë është e kuptueshme, unë do të preferoja të ndryshonim sistemin pavarësisht marrëveshjes që kemi bërë me PD dhe do ta respektojmë.

Një sistem ndryshe do ti bënte mirë Shqipërisë. Ndryshimi i sistemit nuk ka të bëjë me partitë e vogla, është një gabim i madh. Po të jetë për partitë e vogla, sistemi i sotëm është ideali.

Shqipëria pasi të mbarojë këto zgjedhje ka nevojë jo vetëm të ndryshojë sistemin zgjedhor, por sistemin politik, të ndryshojë Kushtetutën, të ribëjë të paravarura institucionet”.

1 koment

  1. Meri 27 Maj, 2020 në 4:07 pm

    Mendoj se Z.Duka ka te drejte. Gjeja e pare qe grupi negociator duhet te diskutoje dhe ndryshoje eshte sistemi i tanishem zgjedhor, nga proporcional ne mazhoritar me korrektim proporcional, si sistemi danez, duke ndryshuar vetem faktin qe fleta e votimit te mos plotesohet me laps, por me stilolaps. Te miratohen koalicionet para ose pas zgjedhore, te miratohet ligji mbi referendumet. Administrata zgjedhore td jete jopolitike, cdo qender numerimi votash te jete e pajisur me kamera te lidhura me KQZ qendrore dhe vdndore dhe pas plotesimit dhe firmoset se cdo procesverbali votimi, ato te fotografohem menjehere dhe tu dergohen me whats app dhe email atyre, KQZ, qendrore dhe vendore, pastaj te dorezohen ne KQZ vendore. Besoj se keto ndryshime do ti japin nje frymemarrjd te domosdoshme jetes politike dhe sociale kaq te domosdoshme ne Shqiperi. Le te shpresojme qe kjo do te ndodhe sa me shpejt .

Adresa juaj e emailit nuk do bëhet publike.

Lajme te ngjashme