Policia arrestoi dy persona në Durrës pas protestës për vrasjen e Klodian Rashës të martën.
Në një njoftim zyrtar policia bën me dije se të arrestuarit janë 24-vjeçari Sh. M., dhe 30-vjeçari A. B.
Ndërkohë ëstë nisur hetimi dhe për dy persona të tjerë A. V., 20 vjeç dhe F. D., 23 vjeç.
Ata akuzohen për organizim të paligjshëm të protestës dhe përhapje të informacionit të rremë.
Disa të rinj në Durrës protestuan të martën për vrasjen e Klodian Rashës duke përdorur simbolikën e arkivolit për të thënë se nuk po bëhet drejtësi.
Grupi i të rinjve mbante një arkivol me mbishkrime “Shpresa” dhe “Drejtësia për Klodianin”, të cilin e la përpara Drejtorisë Policisë së qytetit.
