Dy fjalë pa cinizëm për propagandën dhe realitetin e misionit shëndetësor në Itali

Nga Neritan Sejamini
Dy fjalë pa cinizëm për propagandën dhe realitetin e misionit shëndetësor në Itali

Si çdo gjë tjetër që ndodh në Shqipëri dërgimi i 10 mjekëve dhe 20 infermierëve në Itali po komentohet jo nga vetë merita e veprimit por nga mendimi apo ndjenja e secilit karshi vendim-marrësit, pra Edi Ramës.

Gjatë ditës u përpoqa ta shmang zhurmën e këtij debati nuk mendova për të. Por befas fillova të merrja mesazhe falenderimi dhe mirënjohje nga miq të mi italianë.

Mesazhin e parë e prita me indiferentizëm, por mbasi mesazhet u bënë 5, 6, 8, 10…—madje nga dy shokë shkolle që kisha dy dekada pa komunikuar më ta e më gjetën në Facebook, fillova të reflektoja.

Për të qenë i ndershëm me veten dhe me të gjitha ata miq italianë që ndjehen kaq mirëmjohës për një veprim thuajse simbolik pa ndonjë domethënie të madhe praktike, vendosa të mposht cinizmin e zakonshëm dhe të ndaj një tjetër vështrim.

Dërgimi i 30 mjekëve në Itali mund të jetë bërë për propagandë por ka disa të vërteta përtej kësaj.

Kryesorja është se ata 30 mjekë dhe infermierë janë njerëz të vërtetë, që do rrezikojnë jetën e tyre, do punojnë, do mundohen dhe të ndihmojnë. Për veten e tyre, ata janë në një mision të vërtetë, si mjekë dhe si njerëz—sjellja dhe puna e tyre është e vërtetë dhe jo propagandë.

Duke u përqëndruar tek përdorimi i misionit si propagandë, ne harrojmë që ata njerëz, ata mjekë janë e vërteta kryesore dhe e vetmja gjë që ka rëndësi në këtë histori.

Përtej kësaj, ka katër efekte të tjera që, pavarësisht nga motivimi i misionit, janë kthyer në një realitet pozitiv gjatë ditës së sotme dhe do të vazhdojnë të mbetën kështu në ditët e ardhshme:

1. 30 mjekët e infermierët shqiptarë po japin një ndihmë konkrete ndaj italianëve për jetët e të cilëve ndihma e tyre mund të bëjë shumë. Nuk ka rëndësi nëse këta janë vetëm 2, 4, 10, 20 italianë—rëndësi ka se disa njerëz po marrin një ndihmë e cila ndoshta do ju mungonte pa mjekët shqiptarë përballë një sistemi shëndetësor të shtrirë dhunshëm nga epidemia përtej kapaciteteve të tij.

2. Misioni i ndihmës shqiptare po i jep mundësi Italisë të përdorë këtë fakt për të rritur presionin ndaj Bashkimit Europian për më shumë ndihmë, për të cilën Italia ka aq shumë nevojë. Mund të mos kuptohet qartë, por fakti që Shqipëria e varfër dhe në krizë po dërgon ndihmë, patjetër është një narrativë e fuqishme për qeverinë dhe politikanët italianë përballë atyre të BE-së. Kjo është ndihmë për Italinë.

3. Është e pabesueshme të shikosh se çfarë ndikimi ka patur në media, opinionin publik dhe vetë qytetarët e thjeshtë italianë ky mision. Italianët janë ndjerë shumë mirë, sepse ata ndjenë se nuk janë vetëm; kuptuan se ata kanë mirënjohjen e botës, të cilës i kanë dhënë aq shumë, ndoshta u ndjenë ende të rëndësishëm për botën edhe pse fuqia e tyre ekonomike dhe ndikimi i tyre në të ka rënë dekadat e fundit. Italianët janë prekur sinqerisht.

4. Misioni ka bërë për imazhin shqiptar në një ditë të vetme më shumë se çka bërë politika jonë në vite. Ky veprim i ka dhënë shkëlqim imazhit jo aq të shkëlqyer të shqiptarëve (të paktën të atyre që jetojnë ende në Shqipëri). Misioni për Italinë na ka bërë mirë edhe ne shqiptarëve—ju ka bërë mirë sidomos shqiptarëve që jetojnë në Itali, që jam i bindur kanë marrë më shumë falenderime e mirënjohje dhe më shumë emocione se sa kam marrë unë sot. Kjo është arsye që të ndihemi mirë.

Sa për të tjerat, për politikën, propagandën, për cinizmin, ka gjithmonë një tjetër ditë nesër. Të paktën sot politika nuk na bëri dëm.

14 komente

  1. Emri 29 Mars, 2020 në 11:04 pm

    Fjalen cinizem e perdorke sikur nuk ia di kuptimin me vend e pa vend.
    Ata mjeke kishin aplikuar vete per ne Itali kur e mori vesh i gjati e shiti si bamiresine e tij.
    Ata do paguen dhe nga ne dhe nga italia i bie rreth 6000 euro ne muaj. Kjo sepse ata mjeke jane aq te deshperuar qe bejne specializim ketu dhe disa mjeke me vetullat pikture qe jane si arusha si lene te mesojne asgje. Vec ksaj disa syresh i eshte premtu ven pune kur te kthehen.
    Zgjodhen te rrezikojne veten se sa te rine ketu.
    Po ju jeni gazetare kazan qe nuk i hyni asnje lajmi ta verifikoni se keni qef me u duk si te mir.

    • Najada 30 Mars, 2020 në 9:45 am

      Po këto janë situata kur ose zhytesh ose triumfon dhe ata mjeke kanë luajtur me jetën e tyre kështu, çka i bën ata luftëtarë.
      Dhe nuk habitem qe i gjati (ka shumë fat këto kohë ) e shfrytëzoi si bamirësi ,se i shkon shumë përshtat si metodë.
      Por nuk kuptoj agresivitetin tuaj ndaj artikullit.
      Ato që thuhen me lart qëndrojnë.
      Shqiptarët me të vërtetë ngrejnë kokën me këtë gjest në Itali

      • Emri 30 Mars, 2020 në 1:07 pm

        Ti Najada jeton ne Itali, apo ne Shqiperi dhe te ke interes me shume per “ngritjen e kokes se shqiptareve ne Itali”, apo ke merak me perdamiljen tende dhe pleqte e Shqiperise?
        Ne nje vend plot me njerez emocionale pa mendim llogjik dhe arsye te ftohte, nuk do dale nje cope portali qe ka punesuar pijanece, te beje diferencen.

        • Anonims 30 Mars, 2020 në 9:09 pm

          Une degjova qe nuk i kishin lene te benin asgje sepse nuk kane as license dhe skane as kualifikim e jo me te paguhen nga shteti italian.

    • Ismet 1 Prill, 2020 në 11:30 am

      Ku i di ti jeto. Ishe aty?

  2. Alter xhaferi 30 Mars, 2020 në 7:40 am

    Bejte ka te drejte dhe EMRI ka hak . Thote populli.

  3. sdfsfsdfsfsf 30 Mars, 2020 në 12:47 pm

    po e bej nje urim cinik, shpresoj qe mos te na duhen ato mjeke dhe mungesa e tyre mos te bej diference ne jete ose vdekje.

  4. Koli 30 Mars, 2020 në 1:24 pm

    Ata mjeke jane shume te nevojshem ketu teorikisht, por puna e tyre ne shqiperi eshte pese me hic kur mungojne gjerat me elementare neper spitale, kur ka mungese organizimi, mjetesh, masash, etj, totalisht, dhe kur qeveria po deshton ne cdo hap si zakonisht. aspak nje qeveri qe do te perpiqej te pakesonte efektet e epidemise…..

    Dmth po te besh nje perllogaritje, jane larguar disa 30 mjeke qe do kontribuonin pak ose aspak ne shqiperi per shkak te deshtimit te sisemit shendetesor ne total
    Por kjo nuk eshte asfare llogjika e Rames. Rama e beri per propagande. Ne kete rast, kjo propagande, ka funskionuar shume mire

    Shume miq te mi italiane me jane drejtuar me fjale tej mase dashamirese, dhe me respekt per kete veprim te qeverise

    Duke qene personalisht kunder propagandes dhe kunder kesaj qeverie kriminale, e kam me veshtiresi te madhe te pranoj qe kjo propagande ka funksionuar jashtezakonisht shume ne itali dhe italianet pa dallim.

    tekstualisht me kane thene : nje gjest i vogel por shume vende europiane skane levizur as gishtin per italine……

    Rama ka marre zero masa per shqiptaret, ne pike te hallit e ka lene kete vend, per me teper aktualisht eshte tu tall trapin me te gjihte njerezit, nga kufizimet , investimet, spitalet etj, por ne kete rast ka bere nje veprim qe ka rezultuar me sukses

    • Emri 30 Mars, 2020 në 3:09 pm

      Suksesi i menderes qe tre dite zgjat!
      Nuk mund te quash sukses veprat e nje njeriu qe shfrytezon me egoizem populli e tij, qe po vdes nga deshperimi.
      Nga ana tjeter se cfare thone italianet nuk na e ndryshon jeten.
      Italianet vete si japin nje qindarke te dashurave kujtoni ju se do na e dine!
      Po jeni kryeservila dhe hipokrite!

  5. Liria 30 Mars, 2020 në 9:14 pm

    Plotesisht dalord me kete kendveshtrim

  6. Balo Bënça 30 Mars, 2020 në 10:09 pm

    Kur Neritani ekzaltohet nga Din Hyka,një operacion i pastër propagande..duke harruar kujën e zezë ku është zhytur Shëndetësia në Shqipëri….kjo është super e hidhur…
    Ore karabush!
    Nuk jemi italianë,o gomar,jemi një popull në buzë të greminës..tërmeti,varfëria,krimi,mungesa e drejtësisë,mungesa e arsimit,mungesa e mbrojtjes civile,mungesa e shëndetsisë…etj,etj,etj..
    Këto o gagaç janë halle…dhe jo sa miq italianë të shkruakan ty….
    Na pështirose…

Adresa juaj e emailit nuk do bëhet publike.

Lajme te ngjashme