Ekspertët e Reformës Zgjedhore pranë Këshillit Politik deklaruan se ndryshimet kushtetuese lejojnë hapjen 100 përqind të listave dhe koalicionet.
Ata iu përgjigjën Damian Gjiknurit, nëse ndryshimet kushtetuese, të miratuara nga Komisioni i Ligjeve, ndalonin hapjen e plotë e listave dhe koalicionet.
Në lidhje me hapjen e plotë të listave, ata argumentojnë se ndryshimet kushtetuese përcaktojnë pragun minimal për hapjen e listave. Pragu 2/3 i parashikuar nga ndryshimet lë hapësirë që në Kodin Zgjedhor (KZ) të listat të hapen më shumë se 2/3, por jo më pak. Kjo do të thotë se në KZ, palët mund vendosin që listat e kandidatëve të jenë të hapura 100 përqind.
Në lidhje me koalicionet ekspertët pohojnë se heqja e fjalës ”koalicione zgjedhore të partive politike” nuk i ndalon automatikisht ato, por ju jep mundësi palëve të zgjerojnë në KZ subjektet politike që mund të propozojnë kandidatët për deputet.
Kështu sipas ekspertëve ndryshimet kushtetuese nuk cenojnë të drejtën e palëve që të rregullojnë në Kod çështjen e listave dhe atë të koalicioneve.
