EMA ka miratuar rekomandime që do të rrisin kapacitetin prodhues dhe furnizimin e vaksinave kundër COVID-19 në BE.
Komiteti për Produktet Mjeksore për Përdorim Njerëzor miratoi një vend shtesë për prodhimin e vaksinës antiCOVID të zhvilluar nga BioNTech dhe Pfizer. Vendi, i vendosur në Saint Rémy sur Avre, Francë, do të sigurojë afërsisht deri në 51 milionë doza shtesë në 2021.
EMA gjithashtu ka miratuar rritjen e kapacitetit të prodhimit në fabrikën e BioNTech në Marburg, Gjermani, e cila rrit kapacitetin e dozave me afërsisht 410 milionë doza në 2021.
EMA gjithashtu ka miratuar një vend shtesë prodhimi për prodhimin e vaksinës kundër COVID-19 të zhvilluar nga Moderna.
Fabrika ëshë e vendosur në Bloomington, Indiana, Shtetet e Bashkuara (SHBA).
Përveç objektit të ri prodhues për këtë vaksinë, Komiteti i EMA gjithashtu ka miratuar disa vende alternative përgjegjëse për kontrollin/testimin dhe paketimin e produktit të përfunduar të prodhuar.
Më 30 korrik 2021, EMA miratoi një rritje të prodhimit të vaksinës Moderna në dy vende në SHBA.
Të gjitha së bashku, këto ndryshime vlerësohen se lejojnë prodhimin e 40 milionë dozave shtesë të vaksinës së Modernas për të furnizuar tregun e BE -së në tremujorin e tretë të 2021.
Këto rekomandime nuk kërkojnë një vendim të Komisionit Evropian dhe fabrikat e reja mund të bëhen funksionale menjëherë.
