Autoriteti Rregullator i Barnave në Evropë (EMA) ka nxjerr udhëzim në lidhje me përdorimin e heparinës në rastet e mpiksjeve të rralla të gjakut, të raportuara pas marrjes së vaksinave AstraZeneca dhe J&J.
EMA ndalon trajtimin me këtë hollues gjaku për shkak se në rastet e vërejtura të mpiksjeve pas vaksinave mendohet të ketë patur efekt përkeqësues.
Udhëzimi është në përputhje me udhëzime të ngajshme të lëshuara nga Shoqëria Ndërkombëtare për Trombozën dhe Hemostazën (ISTH), FDA dhe Qëndra për Kontrollin dhe Parandalimin e Sëmundjeve në SHBA, sipas një raportimi të Reuters.
EMA, si ISTH para saj udhëzon që, pasi të jetë konfirmuar një rast i mpiksjes së shkaktuar nga vaksina shoqëruar me trombocite të ulëta, mjekët duhet të adminsitrojnë antikoagulantë jo-heparinë, si dhe një dozës të lartë të imunoglobulinës intravenoze, e cila ndihmon në luftimin e efekteve anësore vdekjeprurëse.
Më parë, EMA ka shqyrtuar rastet e mpiksjeve të gjakut, të shkaktuara nga vaksinat AstraZeneca dhe J&J, duke i konsideruar raste jashtëzakonisht të rralla. Ajo ka dal në përfundimin se efektete pozitive të vaksianve i tejkalojnë rreziqet dhe se përdorimi i tyre duhet të vazhdojë, ndërkohë që rastet e dyshuara për mpiksje duhet të kërkojnë trajtim mjekësor të menjëhershëm.
