EMA vendos në fillim të tetorit për një dozë të tretë të Pfizer kundër COVID

Nga Exit News
EMA vendos në fillim të tetorit për një dozë të tretë të Pfizer kundër COVID

Agjencia Evropiane e Barnave (EMA) pritet të vendosë në fillim të muajit tetor për miratimin ose jo të dozës shtesë të vaksinës Pfizer kundër COVID-19 për të gjithë njerëzit e moshës mbi 16 vjeç.

Shefi i strategjisë së vaksinave në EMA, Marco Cavaleri, tha të enjten se “të dhënat tregojnë se imuniteti kundër COVID-19 zvogëlohet me kalimin e kohës”.

Ndërkohë, disa vende të BE-së po u ofrojnë qytetarëve të tyre mundësinë për të marrë një dozë përforcuese.

“Nëse nuk nevojiten informacione shtesë, vendimi shpallet në fillim të tetorit”, tha Cavaleri.

Të dhënat e prezantuara nga Pfizer dhe BioNTech, sugjerojnë se efikasiteti i vaksinës zbehet me gati 6 për qind çdo dy muaj pas marrjes së dozës së dytë.

Si rezultat, ato thonë se, personat e vaksinuar në fillim të procesit të vaksinimit, tani janë më të cenueshëm ndaj infektimit.

Disa ditë më parë rregullatori i ilaçeve në SHBA miratoi dhënien e një doze të tretë të vaksinës vetëm për personat mbi 65 vjeç.

Adresa juaj e emailit nuk do bëhet publike.

Lajme te ngjashme

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>