Emërohen dy zëvendësministret e reja në Ministrinë e Ekonomisë

Emërohen dy zëvendësministret e reja në Ministrinë e Ekonomisë

Këshilli i Ministrave emëroi sot dy zëvendësministe të reja në Ministrinë e Ekonomisë, Vasilika Vjero dhe Adela Xhemali.

Vasilika Vjero më parë ka qenë Drejtoreshë e Përgjithshme e Tatimeve. Ndërsa Adela Xhemali më parë ka qenë drejtoreshë e përgjithshme e Menaxhimit të Borxhit Publik në Ministrinë e Financave dhe drejtoreshë e Fondit të Sigurimit të Detyrueshëm të Kujdesit Shëndetësor.

Këto emërime vijnë pas largimit të Elton Haxhit dhe Erjon Luçit.

Elton Haxhi dha dorëheqjen një ditë më parë. Ai u përfshi në çështjen e zonës Duty Free në aeroportin e Rinasit, pasi në gusht 2019 firmosi zgjatjen e licencës për shfrytësimin e zonës për kompaninë Albania Duty Free Distribution, ndërkohë që kompania koncesionare e aeroportit ia kishte refuzuar zgjatjen e licencës kompanisë.

Pyetur nga Report Tv, nëse largimi ka detyra ka lidhje me këtë çështje, Haxhi u shpreh se kjo çështje nuk ka pasur ndikim.

Një muaj më parë zëvendësministri tjetër Erjon Luçi u shkarkua nga detyra me vendim të të Këshillit të Ministrave.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>