Emigrantët e bllokuar në Kakavijë nisin protestën

Nga Exit News
Emigrantët e bllokuar në Kakavijë nisin protestën

Emigrantët në pikën kufitare të Kakavijës kanë bllokuar rrugën dhe kanë nisur protestën, pas vendimit të policisë greke për të mbyllur portën e kalimit nga toka neutral në tokën greke.

Disa prej policëve shqiptarë kanë tentuar të shpërndajnë qytetarët për të mos krijuar probleme dhe acarim me palën greke.

Mesditën e së shtunës, policia greke mbylli portën ku kalojnë qytetarët shqiptarë nga toka neutral në tokën greke. Sipas policëve, mbyllja po bëhet vetëm për të shmangur grumbullimin e qytetarëve në tokën greke, çka do të vështirësonte më shumë punën në sportelet e doganës greke.

Aktualisht raportohet se dogana shqiptare po punon me 5 sportele, ndërsa ajo greke me 3 sportele, ndaj krijohet grumbullim njerëzit që presin të lirohen sportelet greke.

Shkak për dyndjen e emigrantëve në pikëtn kufitare të Kakavijës është puna me orë të shkurtuara të doganës greke dhe vendimi i qeverisë greke për të vënë në karantinë të detyruar këdo që hyn pas datës 17 gusht në vend.

Sipas raportimeve në media, radha ka arritur gjatësinë e 25 kilometrave, deri në fshatin Grapsh.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>