Erdogan e Makron synojnë rregullimin e marrëdhënieve mes tyre

Nga Exit News
Erdogan e Makron synojnë rregullimin e marrëdhënieve mes tyre

Presidenti turk Rexhep Taip Erdogan dhe ai francez Emanuel Makron kanë shkëmbyer letra ku kanë rënë dakord të rinisin bisedimet peër rregullimin e marrëdhënieve mes dy vendeve, raporton Al Jazeera.

Erdogan i dërgoi një mesazh për Vitin e Ri homologut të tij francez, duke shprehur ngushëllimet për sulmet në Francë vitin e kaluar. Këtë fakt e ka pohuar Ministri i Jashtëm turk Mevlut Cavusoglu.

Makron i dërgoi një letër “shumë pozitive” këtë javë Erdoganit dhe duke thënë se ai ishte i hapur për një takim, shtoi Cavusoglu.

Ministri i Jashtëm turk tha:

“Presidenti Makron shpreh rëndësinë e Turqisë për Evropën dhe vullnetin e tij për të zhvilluar marrëdhënie pozitive me Turqinë, si dhe për t’u takuar me presidentin tonë në të ardhmen”.

Makron propozoi bashkëpunimin mbi “konsultimet dypalëshe, terrorizmin, çështje rajonale si Siria dhe Libia dhe një partneritet mbi arsimin“, sipas zyrtarit turk.

Presidenca franceze konfirmoi shkëmbimin e letrave pa dhënë detaje.

Bashkimi Europian tani po harton një listë të zgjeruar të individëve turq për të sanksionuar vendimin e Ankarasë për të kërkuar gaz natyror në ujërat mesdhetare lindore pranë Qipros.

Vitin e kaluar, Ankaraja dhe Parisi morën pjesë në një mori çështjesh ndërkombëtare, përfshirë konfliktet në Siri, Libi dhe Nago-Karabak. Tensionet diplomatike janë shoqëruar nga një përplasje midis Erdogan dhe Makron.

Në një takim me udhëheqësit e BE, Makron vërejti se turqit “meritojnë diçka tjetër” dhe jo politikat e Erdogan.

LEXO  Erdogan drejton në Aja Sofia lutjen e parë në 86 vjet

Në tetor, Makron tha se Islami ishte një fe “në krizë” globalisht, duke shkaktuar një reagim të ashpër në botën myslimane, e cila bëri thirrje për bojkot të produkteve franceze.

Erdogan u bashkua me thirrjen dhe tha se Makron kishte nevojë për një kontroll të shëndetit mendor. Ai gjithashtu akuzoi Makron për islamofobi dhe u kërkoi votuesve francezë të “largojnë Makronin sa më shpejt të jetë e mundur”.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>