Erion Veliaj do të rikandodojë në krye të Bashkisë Tiranë. Ai pritet që të shpallet zyrtarisht në kongresin që Partia Socialiste ka thirrur për të shtunën e ardhshme më 23 mars.
Rikandimi i Veliajt ishte i pritshëm, thuajse përtej çdo dyshimi, por tashmë ai konfirmohet nga vetë Kryebashkiaku. Veliaj u ka dërguar sot një mesazh në Whatsapp militantëve dhe mbështetësve socialistë, ku ndër të tjera ai u kërkon që ta kthejnë rastin e rikandidimit të tij në një festim në shesh.
Teksi i mesazhit që Veliaj ka dërguar lexon:
“Përshëndetje. Uroj të ta përcjellin këtë mesazh. Besoj e ke marrë vesh që të shtunën, 23 Mars, do të nisim punën për mandatin tjetër në Bashkinë e Tiranës. Të falenderoj që ishe pjesë e këtij projekti në mandatin e parë. Kemi bërë shumë punë dhe falë edhe kontributit tënd, kryeqyteti është më i mirë. Ndaj doja të të ftoja personalisht që bashkë me familjen tënde të më bashkohesh mua e familjes time, bashkë me mijëra kryeqytetas në Sheshin Nënë Tereza, ora 11 të shtunën. Të përqafoj, Erion Veliaj”
