Eurostat: Shqipëria e fundit në Ballkan për nivelin e konsumit për frymë, e treta për çmimet më të larta

Nga Exit News
Eurostat: Shqipëria e fundit në Ballkan për nivelin e konsumit për frymë, e treta për çmimet më të larta

Shqipëria ka nivelin më të ulët të konsumit real dhe Prodhimit të Brendshëm Bruto për frymë në Europë dhe Ballkan.

Eurostat ka publikuar një raport mbi nivelin e PPB-së, konsumit dhe çmimeve në 27 vende të BE-së, Britaninë e Madhe, Islandë, Norvegji, Zvicër, si dhe pesë vendet candidate për integrim (Shqipëri, Mali i Zi, Maqedoni e Veriut, Serbi dhe Turqi).

Në 2019-ën niveli i PPB-së së Shqipërisë ishte sa 31% e mesatares së vendeve të BE-së, duke zënë vendin e fundit krahasuar me shtetet e sipërpërmendura.

Tabela Eurostat

Njëkohësisht në 2019-ën, familjet shqiptare konsumuan sa 39% e mesatares që konsumuan familjet europiane.

Kjo shifër e rendit gjithashtu Shqipërinë të fundit në Ballkan dhe Europë për nga niveli i konsumit real të familjeve shqiptare.

Pas Shqipërisë vjen Bosnje Hercegovina e cila e ka konsumin për frymë në nivelin 41% të mesatares së BE-së, ndjekur nga Maqedonia e Veriut (42%), Serbia (49%), Mali i Zi (60%), dhe Turqia (67%).

Tabela Eurostat

Eurostat ka përllogaritur edhe nivelin e çmimeve të produkteve të konsumit krahasuar me mesataren e vendeve të BE-së.

Çmimet në Shqipëri janë sa 50.9% e mesatares së BE-së, duke e renditur vendin tonë të tretin në Ballkan për nga çmimet më të larta.

Bosnje Hercegovina dhe Mali i Zi shënojnë nivel më të lartë çmimesh se Shqipëria, ndryshe nga Serbia, Maqedonia e Veriut dhe Turqia, të cilat kanë një nivel më të ulët të çmimeve.

Ajo që bie në sy nga shifrat e publikuara nga Eurostat është se në Shqipëri niveli i konsumit real dhe PPB-së për frymë, krahasuar me BE-në, është rritur vetëm me 1 pikë përqindje nga viti 2017 në vitin 2019.

Por në rastin e çmimeve, niveli është rritur me 4.7 pikë përqindje krahasuar me mesataren e BE-së përgjatë së njëjtës periudhë kohore.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>