Fëmijët gënjehen dhe detyrohen të performojnë seksualisht në web-kamera

Nga Exit News
Fëmijët gënjehen dhe detyrohen të performojnë seksualisht në web-kamera

Të dhëna të raportuara nga Internet Watch Foundation (IWF) tregojnë se gjithmonë e më shumë vajza të moshave 11 dhe 13 vjeç po gënjehen dhe detyrohen të performojnë seksualisht në web-kamera.

BBC citoi IWF-në të thoshte se 80% e fotografive selfie të denoncuara prej përmbajtjes seksuale në internet i përkasin kësaj grupmoshe.

Vitin e shkuar organizata mori masa ndaj 37,000 fotografish të vetëshkrepura nga minorenë dhe të qarkulluara në internet. Rreth 30,000 prej tyre ishin nga adoleshentë.

Drejtoresha e IWF-së, Susie Hargreaves e përshkroi shqetësuese fotografimin dhe videoregjistrimin e vajzave minorene në akte intime. Ajo tha se me kalimin e kohës gjithmonë e më tepër po vihet re se moshat e vogla po qasen me teknologjinë, kamerat dhe internetin duke bërë që rastet e abuzimeve të shtohen.

“Në këtë moshë [11-13 vjeç] fëmijët janë tejet të cenueshëm. Janë ende duke u zhvilluar nga ana fizike, dhe nuk e kanë ende pjekurinë e duhur emocionale për të kuptuar se çfarë ndodh. Ato joshen, u thuhet se sa të bukura janë dhe shpesh mendojnë se janë në një marrëdhënie me dikë”

Shpesh fotografi dhe video të vetëshkrepura nga minorenë qarkullojnë në web-faqe pornografike ndërsa në disa raste fëmijët shantazhohen për publikim nga persona të tjerë.

IWF bën thirrje që rastet e fotografive të minorenëve të denoncohen në platformën e saj (kliko këtu) në mënyrë që të shmangen sa më tepër rastet e abuzimeve.

Internet Watch Foundation ka seli në Angli ka si objektiv minimizimin e qasjes në përmbajtje abuzive seksuale në internet, sidomos të atyre që përmbajnë pamje fëmijësh.

Lajme te ngjashme

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>