Fluturimi i parë në aeroportin e Kukësit do të realizohet më datë 18 prill, u shpreh ministrja e Infrastukturës dhe Energjisë, Belinda Balluku gjatë një takimi elektoral me banorë të zonës së Kombinatit në Tiranë.
Punimet në aeroportin e Kukësit do të përfundojnë brenda pak ditësh, shtoi ministrja, ndërsa një gjë të tillë e konfirmoi edhe kryeministri Rama, i cili publikoi në Facebook, një foto të pamjes së jashtme të aeroportit.
“O çunat e Londrës bohuni gati se so mo pun mujsh”, shkruan Rama.
Ndërkaq, ministrja Balluku njoftoi se fluturimi i parë do të kryhet nga Air Albania dhe do të ulet në Kukës me 132 pasagjerë.
