Forcat e Sigurisë së Kosovës marrin pjesë në stërvitjen Defender 21

Nga Die Morina van Uijtregt
Forcat e Sigurisë së Kosovës marrin pjesë në stërvitjen Defender 21

Forcat e Sigurisë së Kosovës (FSK) po marrin pjesë në stërvitjen shumëkombëshe ushtarake “Defender Europe 21” të udhëhequr nga Shtetet e Bashkuara të Amerikës, e cila filloi në Shqipëri, të martën.

Kjo është hera e parë që ushtria e Kosovës merr pjesë në një stërvitje të madhe së bashku me partnerët e saj – SHBA, NATO dhe aleatët e tjerë.

“Ka shumë arsye për të qenë krenar sot, dhe më e madhja prej tyre është pjesëmarrja e Ushtrisë sonë për herë të parë në një operacion të një shkalle të tillë”, tha ish-Kryeministri i Kosovës Ramush Haradinaj.

Në vitin 2018, gjatë mandatit të Haradinajt në detyrë, Kuvendi i Kosovës miratoi ndryshimet ligjore për të shndërruar mandatin e Forcës së Sigurisë së Kosovës në një forcë të armatosur. Procesi i tij i transformimit pritet të zgjasë dhjetë vjet.

FSK-ja ka 2,7e47 ushtarë aktivë dhe synon të dyfishojë numrin, si dhe të sigurojë një forcë rezervë prej 3,000.

Trupat e saj aktualisht po marrin pjesë në një mision të përbashkët paqeruajtës në Kuvajt, së bashku me trupat amerikane, për herë të parë në historinë e Kosovës.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>