Franca do të fillojë lehtësimin e kufizimeve kundër koronavirusit. Procesi do të kryhet në tri fazë, sipas The Guardian, në mënyrë që të shmanget një përhapje e re e pandemisë.
Të martën, Presidenti Emmanuel Macron do mbajë një fjalim rreth situatës së virusit dhe mund të njoftojë një lehtësim të pjesshëm të kufizimeve të cilat hynë në fuqi që prej 30 tetori, raporton Reuters.
“Do të ketë tre hapa për të lehtësuar gjendjen në funksion të gjendjes shëndetësore dhe rreziqeve të lidhura me disa biznese: një hap i parë rreth 1 dhjetorit, pastaj para festave të fundvitit dhe më pas nga janari 2021,” tha zëdhënësi i qeverisë Gabriel Attal për Le Journal Du Dimanche
Macron ka thënë se bllokimi i dytë kombëtar i Francës, i cili filloi në 30 tetor, do të zgjasë të paktën katër javë. Ndërprerjet përfshijnë mbylljen e dyqaneve, restoranteve dhe bareve jo-thelbësore.
Numri i infeksioneve të reja të koronavirusit në Francë u rrit me 17,881 të shtunën, më i ulët se 22,882 i raportuar të premten ndërsa numri i pacientëve në spital me COVID-19 ra për të pestën ditë me radhë dhe ishte në 31,365.
