FSHF i kërkon qira Ministrisë së Shëndetësisë për përdorimin e Air Albania

Nga Exit News
FSHF i kërkon qira Ministrisë së Shëndetësisë për përdorimin e Air Albania

Federata Shqiptare e Futbollit i kërkoi Ministrisë së Shëndetësisë të paguajë qira për përdorimin e stadiumin të Air Albania për procesin e vaksinimit.

Sipas mediave, arsyeja e kësaj kërkese është kostoja e mirëmbajtjes së stadiumit gjatë kësaj periudhe.

Gjithashtu mediat raportojnë se ministria ka premtuar lirimin e stadiumit përpara  datës 28 mars, pasi ekipi kombëtar i futbollit ka ndeshje kundër Anglisë për eliminatoret e Botërorit.

Që prej 11 janarit ka nisur vaksinimi i stafit mjekësor në Shqipëri. Vaksinimi po bëhet në ambjentet e stadiumit Air Albania.

Të parët u vaksinuan  Shefja e Shërbimit Infektiv në QSUT, Najada Çomo, kryeministri Edi Rama dhe mjekët e spitalit Infektiv dhe Sanatorium, të cilët po shërbejnë si spitale Covid.

Lajme te ngjashme