Fuqitë e mëdha kërkojnë tërheqjen e KFOR dhe UNMIK nga Kosova, pretendon Vuçiç

Nga Die Morina van Uijtregt
Fuqitë e mëdha kërkojnë tërheqjen e KFOR dhe UNMIK nga Kosova, pretendon Vuçiç

Presidenti serb Aleksandër Vuçiç deklaroi të enjten se një nga fuqitë e mëdha do të kërkojë tërheqjen e forcave të NATO-s (KFOR) dhe misionin e Kombeve të Bashkuara UNMIK nga Kosova.

Nëse kjo ndodh, do të ishte një katastrofë, u tha Vuçiç gazetarëve sipas agjencisë së lajmeve Tanjug me bazë në Beograd.

Ai tha se do të përpiqet të diskutojë çështjen me Sekretarin e Përgjithshëm të NATO-s, Jens Stoltenberg, të cilin Vuçiç do të takohet të hënën në Bruksel.

Vuçiç shtoi se ai nuk mund ta zbulonte emrin e vendit por se ai mbështetej në burime zyrtare.

Mandati i Misionit të Administratës së Përkohshme të Kombeve të Bashkuara në Kosovë (UNMIK) u krijua nga Këshilli i Sigurimit në rezolutën e tij 1244 (1999).

Prania e tyre ndihmon në sigurimin e kushteve për një jetë të qetë dhe normale për qytetarët e Kosovës dhe për të avancuar stabilitetin në Ballkanin Perëndimor.

Misioni e ka selinë e tij në Prishtinë dhe mbështetet nga zyrat në terren në Mitrovicë dhe Pejë.

KFOR hyri në Kosovë në 12 qershor, pas miratimit të rezolutës 1244 të Këshillit të Sigurimit të KB.KFOR fillimisht ishte i përbërë nga rreth 50,000 burra dhe gra nga vendet anëtare të NATO-s, vendet partnere dhe vendet jo anëtare të NATO-s nën komandën dhe kontrollin e unifikuar. Përmirësimi i sigurisë në Kosovë i mundësoi NATO-s të ulte praninë e trupave të KFOR-it deri në rreth 3,500.

LEXO  RTSH: Arena Kombëtare ka probleme teknike; FSHF përgënjeshtron

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>