Gazetarët e Kosovës mbështesin gazetarët e Shqipërisë: Projektligjet cenojnë lirinë e shprehjes

Nga Redaksia
Gazetarët e Kosovës mbështesin gazetarët e Shqipërisë: Projektligjet cenojnë lirinë e shprehjes

Asociacioni i Gazetarëve të Kosovës, në mbështetje të gazetarëve të Shqipërisë, i bën thirrje qeverisë Rama të tërhiqet nga projektligjet për median.

Në një deklaratë për media, AGK shkruan se këto projekligje do të kishin një ndikim negativ në lirinë e shprehjes në Shqipëri:

“Me miratimin e ndryshimeve në Ligjin për mediat audiovizuale dhe Ligjin për komunikimet elektronike, Autoriteti i Medieve Shqiptare (AMA) dhe Autoriteti i Komunikimeve Postare dhe Elektronike (AKEP) do të lejohen të bllokojnë menjëherë faqet e internetit të medieve, të vendosin gjoba të papërballueshme për gazetarët dhe penalizime të rënda deri në mbylljen e portaleve.

AGK vlerëson se këto dy drafte e censurojnë drejtpërdrejt median online dhe rrezikojnë seriozisht lirinë e shprehjes. E drejta e fjalës, në çdo vend demokratik trajtohet nga kodet e etikës dhe organet vetërregulluese të medias.”

Deklarata kujton se Përfaqësuesi i OSBE-së për Lirinë e Medias Harlem Desir dhe disa organizata ndërkombëtare dhe vendore i kanë kritikuar gjithashtu projektligjet:

“Thirrjes për tërheqjen e dy projektligjeve që kërcënojnë lirinë e shprehjes dhe lirinë e mediave, i janë bashkuar edhe Federatat Evropiane dhe Ndërkombëtare të Gazetarëve (EFJ / IFJ). Sipas tyre propozimet nuk janë në përputhje me praktikat më të mira të vetë-rregullimit dhe do të kishin një ndikim negativ në lirinë e shprehjes në Shqipëri.”

Kundër projektligjeve të medias, gazetarët kanë paralajmëruar protesta më 18 dhe 19 dhjetor.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>