Persona që e kanë kaluar sëmundjen COVID-19 në gjermani, do të marrin vetëm një dozë të vaksinës së prodhuar nga kompania britanike, AstraZeneca dhe Universiteti i Oxford-it.
Ky është rekomandimi i Komisioni i Përhershëm i Vaksinimit (njohur si Stiko) në Gjermani, sipas raportimit nga Reuters.
Vlerësimi i Stiko-s u bazua në të njëjtat të dhëna të testimit të botuara nga revista mjekësore The Lancet më 8 dhjetor.
Bashkimi Evropian miratoi një vaksinë të zhvilluar nga Pfizer dhe partneri i saj gjerman BioNTech në fund të dhjetorit dhe i dha dritën jeshile vaksinës së prodhuar nga Moderna në fillim të janarit.
Ky vendim pritet që mundësojë vaksimìnimin e sa më shumë njerëzve kundër koronavirusit, teksa shtetet po përballen me mungesë të vaksinave.
Një dozë e AstraZenecas duhet t’i administrohet një pacienti që është diagnostikuar me COVID-19 gjashtë muaj më parë, tha Komisioni përmes një deklarate për mediat.
Gjermania është përballur kundërti nga ana e qytetarëve për vaksinën e AstraZenecas, pasi gjatë studimeve klinike për këtë vaksinë, nuk kanë qenë të përfshirë personat mbi 65 vjeç.
Kjo ka bërë që disa udhëheqës të landeve gjermane të bëjnë thirrje që vaksina e AstraZenecas t’u jepet të rinjve.
Sipas të dhënave paraprake, Vaksina AstraZenecas është 63.9 për qind efikase kundër sëmundjes COVID-19.
Gjermania ka regjistruar mbi 2.4 milionë raste me këtë sëmundje, prej fillimit të pandemisë, sipas të dhënave të Universitetit Johns Hopkins.
