GJKKO rrëzon për herë të tetë kërkesën për zbutjen e masës së sigurisë të ish-gjyqtares Hoxha

Nga Exit News
GJKKO rrëzon për herë të tetë kërkesën për zbutjen e masës së sigurisë të ish-gjyqtares Hoxha

Gjykata kundër Korrupsionit dhe Krimit të Organizuar ka rrëzuar për herë të tetë kërkesën e ish-gjyqtares së Krujës, Enkelejda Hoxha për ndryshimin e masës arrest me burg në një masë më të lehtë.

Ish-gjyqtarja i kërkoi gjykatës zbutje të masës së sigurisë me argumentin se fëmijët e saj kanë probleme shëndetësore dhe ajo kërkon t’i qëndrojë pranë.

Por gjykata ka refuzuar sërish të marrë parasysh kërkesën e saj duke lënë në fuqi masën e sigurisë arrest me burg.

Hoxha akuzohet se në bashkëpunim me disa persona ka liruar të dënuar të rrezikshëm në këmbim të parave.

SPAK ka kërkuar dënimin e gjyqtares së Krujës Enkelejda Hoxha për korrupsion në këmbim të lirimit të të dënuarve. Kjo akuzë dënohet nga 3 deri në 10 vjet burg sipas Kodit Penal.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>