Gjykata e Apelit vendosi kthimin e dosjes së ndërtimit të sheshin ‘Veliera’ në prokurori dhe vazhdimin e hetimeve. Në këtë mënyrë Gjykata e Apelit rrëzoi vendimin e gjykatës së Durrësit për refuzimin e vzhdimit të punimeve.
Gjykata e Durrësit refuzoi kërkesën e Bashkisë Durrës për vazhdimin e ndërtimit të sheshit Veliera, në shtator 2017.
Gjykata e rrethit Durrës pezulloi në mars 2017 punimet për rikualifikimin urban të sheshit Veliera. Vendimi i gjykatës erdhi pas kërkesës së Prokurorisë për pezullimin e plotë të punimeve.
Në 16 shkurt, Gjykata Administrative vendosi ndërprerjen e pjesshme të punimeve me arsyetimin se gjatë gërmimeve janë gjetur themelet e një ndërtese mijëra vjeçare bizantine. Por, në shkelje të këtij vendimi, Bashkia Durrës vazhdoi me punimet në sheshin Veliera, duke betonizuar zonën ku u gjendën themelet e një ndërtese mijëra vjeçare.
Punimet në shesh kanë nisur në nëntor të vitit 2016. Në qendër të projektit është një velë gjigante betoni me sipërfaqe prej 200 metra katrorë.
