Gjykata e Apelit të Moskës ka hedhur poshtë ankimin e liderit të opozitës ruse, Alexei Navalny për dënimin me burg.
Navalny është dënuar me dy vjet e tetë muaj burgim për shkelje të një dënimi me kusht, por gjykata supreme ka vendosur që ai do të vuajë 2 vjet e gjysëm.
Më herët, Gjykata Evropiane e të Drejtave të Njeriut (GJEDNJ) vendosi që Rusia duhet të lirojë nga burgu kreun e opozitës ruse Alexei Navalny.
Autoritetet ruse nuk e kanë komentuar vendimin e GJEDNJ – gjykata ndërkombëtare e Këshillit të Evropës, forumi kryesor i Evropës për të drejtat e njeriut, anëtare e të cilit është Rusia.
Rusia miratoi vitin e kaluar një ligj që i jep legjislacionit të saj kombëtar përparësi ndaj traktateve ndërkombëtare dhe vendimeve nga organet ndërkombëtare në rastet kur ato bien ndesh me kushtetutën ruse.
Burgosja e Navalnyt ka nxitur protesta të mëdha në gjithë Rusinë. Shumë shtete perëndimore kanë dënuar burgosjen dhe helmimin e tij, për të cilin janë fajësuar agjentët e sigurisë.
