Gjykata e Lartë e ka gjetur të pabazë kërkesën e Prokurorisë së Posaçme Aantikorrupsionpër nisjen e hetimeve ndaj Fatmir Mediut, për çështjen e shpërthimit të fabrikës së municioneve në Gërdec, në 2008.
“Kolegji vëren se që prej momentit që ka rënë pengesa për ushtrimin e ndjekjes penale ndaj subjektit Fatmir Mediu, prokuroria nuk ka pasur ndonjë pengesë që të ushtronte funksionin e saj si përfaqësues i akuzës, konform ligjit, situatë procedurale kjo e transferuar si kompetencë te Prokuroria e Posaçme kundër Korrupsionit dhe Krimit të Organizuar”, shkruhet në vendimin e Gjykatës së Lartë, të marrë nga trupi gjykues Ilir Panda, Albana boksi dhe Klodian Kurushi.
Gjykata gjithashtu ka shpallur moskomptencën për gjykimin e kërkesës dhe e ka dërguar çështjen për gjykim në Gjykatën Antikorrupsion, GJKKO:
“Gjykata e Lartë nuk ka më juridiksion fillestar për të shqyrtuar akuzat penale ndaj funksionarëve të lartë shtetërorë, [..] për të shqyrtuar këto akuza penale e ka Gjykata për Korrupsionin dhe Krimin e Organizuar.
GJKKO “ka kompetencën lëndore për t’u shprehur edhe në lidhje me kërkesën për revokim të vendimit të pushimit, e cila do të duhet të shqyrtohet nga gjyqtari i seancës paraprake pranë kësaj gjykate”.
SPAK më 5 maj 2021 i kërkoi Gjykatës së lartë hapjen e hetimeve për Fatmir Mediun duke qënë se ai nuk ka imunitet.
Kolegji Penal i Gjykatës së Lartë, në 2009, me shumicë, vendosi pushimin e hetimeve për Fatmir Mediu, “për shkak se ndjekja penale ndaj tij nuk mund të vazhdojë”, për shkak të imunitetit.
Në vitin 2008, shpërtheu fabriak e municioneve në Gërdec duke shkaktuar 26 viktima, ndër to edhe fëmijë.
