Gjykata Kushtetuese nuk pranon padinë e Besnik Canit kundër anëtarëve të KPA, Hajdari e Daci

Nga Exit News
Gjykata Kushtetuese nuk pranon padinë e Besnik Canit kundër anëtarëve të KPA, Hajdari e Daci

Gjykata Kushtetuese ka refuzuar të marrë në shqyrtim padinë e ish-anëtarit të Këshillit të Lartë të Prokurorisë, Besnik Cani, për mungesë legjitimiteti, duke u shprehur se një individ nuk mund t’i drejtohet Gjykatës Kushtetuese.

Prokurori Cani kishte bërë kërkesë në GJK për të gjykuar mbi kushtetueshmërisë e zgjedhjes së gjyqtarëve të Kolegjit të Posaçëm të Apelimit, Luan Daci dhe Ardian Hajdari, me argumentin se ata ishin zgjedhur në mënyrë të paligjshme dhe kishin cënuar procesin e rregullt ligjor.

Por Gjykata vendosi të mos e marrë farë në konsideratë padinë duke argumentuar se vetëm Presidenti, Këshilli i Ministrave, një e pesta e deputetëve dhe Avokati i Popullit kanë të drejtën për t’ju drejtuar Gjykatës Kushtetuese për kushtetueshmërinë e zgjedhjes së një funksionari publik.

Në lidhje me procesin e rregullt ligjor, GJK ka argumentuar se në rastin e anëtarëve të KPA-së, pra edhe te Hajdariot dhe Dacit, kemi të bëjmë me akte administrative individuale, kompetencën për shqyrtimin e të cilave e kanë gjykatat e zakonshme. adminsitrative.

Vendimi i GJK vjen disa ditë pasi Gjykata e Posaçme pezulloi nga detyra, Luan Dacin, me kërkesë të SPAK, që ka provuar fallsifikimin e dokumentave të aplikimit të tij në KPA.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>